سوارێک بە پەڕی پێنووسەکەیەوە

سەرلەبەیانی سەرتاکانی سروەی پایزی ئەو دەمەی بەیانییەکی مات و مەڵێڵبوو، گریانی هەورە چڕ و پڕ لە ناسۆر و برین هەموو ئاسمانی ئاوێزان کردبوو سوارێك لە دارستانەکەوە بەرەو کۆشکی ئارتەمیس لەڕی بوو.

- سوارەکە بەدەم ڕێگەوە لەبەر خۆیەوە دەیگوتەوە:

ئەو دەمەی گەڵا خەزانی ژین بوو

زیندوو و پڕ ڕەنگ بوو، هاودەمی ژین بوو.

زۆر تامەزرۆی بینینی تۆلین دەکەم، لەمێژە نەمدیوە باشە تۆ بڵیی ئێستاکە چی بکات؟ کورە خۆ بەدبەختێكی وەکو من برسییەکی وەکو من نییە دایمەن زەین و فکری بیرکردنەوەی ئەوینێک بێت، منێکی سەرشۆڕ و داماو منێكی ئۆقرەنەدیو پڕ لە ناسۆر و برین، باربدەڵەیەکی گردەنشین، کەی بێت؟، کەی بێت ڕۆژێک دادێت و من و تۆلین بە یەکدی بگەین و هەموو و هونراوە و کورتە چیرۆکانەی نووسیومە لە ئامێزیگرم و دێڕ بە دێڕ بۆی بهۆنمەوە و بۆی بخوێنمەوە، بییانووەکی چاکبوو ئەو ناممەی پێمە بۆ خاتوونی گەورە و مەزن کۆشکی ئارتەمیس جا تۆلینیش لەوێیە هەر لەگەڵ ئەو گەیشتنم بەوێ پێویستە دولبەر گیانیش ببیم.

- لە پاشاندا لەبەر خۆیەوە لە قسەکردن تەواو بوو و بەشێکی تر لە هۆنراوەیەکی تری گوت:

چەند دڵڕفێنە ئەم دیمەنە

خەرمان بەرەکەت

وەک تاسی زێڕین

ڕۆحی سواراوم

هەمیشە لەڕێ

کۆشكی خاتوون ئارتەمیس لە پەنجەرەی ژوورەکەی تۆلینەوە کە بەسەر کەنار دەریاکەدا دەینواند دانیشتووە و لەبەر خۆیەوە ئاهـ هەڵ دەکێشێت

ڕۆژانی دوواییم وا نزیکە و پایزی دڵـم خەزانێكە، من ئاسمانی ڕووناکی پاک و جوانم نەدیت کەچی باران لە دڵم باری، من بارانی یارم نەدیت کەچێ تۆز لە دڵم دای کرد کرۆکی دەرد و تاعوون لە دڵمدا چەکەرەی کرد، چ نەفرینێکە ئەم جوانییەی خوا بە مرۆڤێکی دەبەخشیت هێندە چاوەڕوانی هیچییم کرد ئیدی خۆم وا دەبم بە هیچ من لێرە ڕۆژ لە دوای رۆژ کۆشکەکە و ژوورەکەو تەنانەت خۆشـم لەبەرچاوم شەقار شەقار دەبن، دیسان دەڵێـم چ نەفرینێکە ، من دەمرم و ئەو بەڵێنەی لیتۆس پێیدام بۆخۆم  و ناو گۆڕ ی دەبەم، من چۆن بە لیتۆس بڵێم کە چیدی لەبەر ئەو دەردەی گرتوومە نابێ بیبینم، ئەمن چۆن خۆم لە دولبەرێک وون بکەم...

" لە دواجاردا مردن هات و بۆ ئەبەدیش ئەو دوو ئەوینە بۆیەدکی نەبوون

لە دواجاردا مردن دێت و هەموو ئەوانەی جیی نەهێشتوون هەڵدەماڵێت."

- سەر لە ئێوارەی چوارشەمەی دوانزەهەمین ڕۆژی سەرماوەرزی ساڵی ٢٠٢٥